O informe das tecnoloxías disruptivas no sector TIC galego contén unha análise exhaustiva e evolutiva das tecnoloxías disruptivas no tecido empresarial TIC galego. É unha ampliación informe do sector TIC, detallando e desagregando todos os indicadores de tecnoloxías disruptivas no sector TIC.
Resultados máis destacados
Cada vez máis empresas do sector TIC están a adoptar a IA como unha ferramenta estratéxica. O 38,3% das empresas TIC galegas xa utilizan ou ofrecen esta tecnoloxía (+29,8% respecto ao 2023).
Consolídase o uso da Internet das Cousas, que segue a incrementar a súa presenza nas TIC galegas acadando o 36,6% (+0,3% respecto ao ano anterior).
O 35% das empresas TIC utilizaron Instrumentos baseados no Big Data durante o 2024 manténdose estable o seu uso respecto ao ano anterior.
O 6,5% das empresas TIC galegas utilizaban a robótica, incrementando lentamente a súa presenza no sector TIC galego. Segundo a tipoloxía da tecnoloxía robótica que empregan as empresas do sector TIC, o 22,5% das empresas utilizan robots industriais e 35,2% robots de servizos.
O 40,2% das empresas TIC utilizaron ou comerciaron con instrumentos baseados Blockchain durante o 2024, cunha tendencia ascendente continuada, ao crecer nun 46,7% no último ano e máis do 250% dende 2020. No último ano ascende dende o sétimo ao segundo lugar entre as tecnoloxías analizadas.
O 22,6% das empresas do sector TIC galego utilizaron tecnoloxía que incluía xemelgos dixitais ou simulación, para uso propio ou para vendelo, que só era 10% en 2020.
O 36,4% das empresas TIC utilizaron ou venderon servizos relacionados cos chatbots durante o 2024, cunha tendencia ascendente do 10% no último ano e do 118% dende 2020.
O 25,5% das empresas TIC utilizaron ou comerciaron coa tecnoloxía da realidade virtual ou telepresenza en 2024, que crece un 78,3% dende 2020.
O 48,6% das empresas TIC utilizaron Instrumentos baseados en Business Intelligence durante o 2024, sendo a tecnoloxía disruptiva máis destacada por primeira vez. Crece un 36,5% no último ano, o 86,9% dende 2020.
O 26,5% das empresas TIC utilizaron ou venderon produtos ou servizos de impresión 3D, que case se triplica no último ano.
